6 जानेवारीला कॅपिटल भवनामध्ये इलेट्रोल मतांची मोजणी होणार होती. त्यात जो बायडन यांच्या नावाची अधिकृत घोषणा केली जाणार होती. मात्र, पराभव मान्य न करणाऱ्या ट्रम्प यांनी ट्विट करत आपल्या समर्थकांना कॅपिटल भवनावर चढाई करण्याचा संदेश दिला. यानंतर मोठ्या प्रमाणात ट्रम्प समर्थक कॅपिटल भवनाबाहेर जमा झाले. आणि त्यांनी इमारतीत शिरकाव करण्याचा प्रयत्न केला. हे करताना ट्रम्प समर्थकांनी अनेक रासायनिक पदार्थांचा वापर केल्याचंही पोलिसांनी सांगितलं आहे. गर्दीला पांगवण्यासाठी पोलिसांनी बळाचा वापर केला. ज्यामध्ये 4 लोक दगावले आहेत, तर 3 जण गंभीर जखमी असल्याची माहिती मिळते आहे.
