ठाण्यात १९ जुलैपर्यंत लॉकडाऊन
ठाणे
ठाण्यात १९ जुलैपर्यंत लॉकडाऊन वाढवण्यात आला आहे. ठाण्यातील कोरोना रूग्णांची संख्या अजूनही कमी होत नसल्यामुळे लॉकडाऊन वाढवण्याचा निर्णय घेण्यात आला आहे. ठाणे महापालिका क्षेत्रात २ ते १२ जुलै लॉकडाऊन जाहीर करण्यात आला होता. आता तो १९ जुलै संध्याकाळी ५ वाजेपर्यंत करण्यात आला आहे. साथरोग प्रतिबंधक अधिनियम १८९७ च्या कलम २ अन्वये, तसेच आपत्ती व्यवस्थापन अधिनियम, २००५ च्या सर्व संबंधित तरतुदींसह प्राप्त अधिकारांचा वापर करुन, आयुक्त ठाणे महानगरपालिका, हे दि. १२/०७/२०२० रोजी सकाळी ७.०० वाजेपासून ते दि.१९/०७/२०२० रोजी सांयकाळी ५.०० वाजेपर्यंत संपूर्ण ठाणे महानगरपालिका हद्दीत लॉकडाऊन जाहीर करत आहेत या कालावधीत विहित केलेले नियम व उपाययोजना यांची अंमलबजावणी केली जाईल. यामध्ये केवळ घरकाम करणाऱ्या व्यक्तींना कामावर जाण्याची मुभा असेल. या व्यतिरिक्त बाकीच्या अटी व नियम पूर्वीप्रमाणेच लागू रहातील. असे आदेश आयुक्तांनी पारित केले आहेत.
